En 1996, a rondalla deu un paso máis ao incorporar un coro de voces mixtas, que estivo presente en cada actuación, enriquecendo aínda máis a súa proposta musical. Desde entón, percorreu as catro provincias da nosa comunidade, deixando unha pegada indeleble en cada lugar que visitou. Entre as súas actuacións máis destacadas atópanse os concertos na Colexiata da Coruña e no Teatro Rosalía de Castro, así como a súa participación no XII Encontro Internacional de Corais e Rondallas de Ourense.

A rondalla tamén cruzou fronteiras, actuando en Asturias, Gondomar (Portugal), o XV Encontro Coral en Sassocorvaro (Italia) e o 8º Festival Corale Internazionali “Cantate Adriatica” na República de San Marino. Ademais, tivo o privilexio de participar nas festas patronais de Aranxuez, no programa de TVE “Galicia para o Mundo”, e na misa dominical da TVG. Sendo, por tanto, unha verdadeira embaixadora da música e a cultura.

O seu repertorio é unha verdadeira xoia musical, que abarca desde pezas de música clásica e habaneiras, ata música popular, sacra e folclore de diversas partes do mundo. Convidámoslles a gozar destas melodías, que poden escoitar no apartado repertorio desta web.

Desde a súa fundación, a rondalla foi dirixida por D. Alfonso Delgado López ata o 31 de decembro de 2021. A partir desa data, D. Xurxo Iglesias Vázquez asumiu a dirección, levando adiante esta fermosa tradición musical.